Nýjustu fréttir eru þær að Ívar Andri er kominn með ælupest, kall anginn. Hann ber sig samt mjög karlmannlega og skreið kjökrandi inní ból, eins og sönnum karlmanni sæmir.
Elva og Hildur Vaka eru í bænum að rölta og er veðrið með hreinum ágætum, gola og þurrt, 14 stiga hiti. Það var að koma dagsetning á prófið mitt en það er 29. júní daginn áður en við förum heim og á afmælisdaginn hennar Hildar Vöku.
Góðar kveðjur heim
Bjarni
Við fjölskyldan erum komin til Álaborgar. Við komum 9. júní og það er búið að rigna síðan við komum. Við erum hjá Carsten vini okkar og það er frábært að vera hjá góðum vinum. Við erum með æðislegan bíl, Renault með innbyggðu GPS frá TOMTOM hitech bíll, 7 manna og mig dauðlangar í svona kerru. Taskan hennar Ingu Lindar týndist og hefur ekki enn skilað sér sem er frekar pirrandi en hún tekur því ótrúlega vel samt. Og talandi um Ingu Lind þá er hún núna hjá vinkonum sínum og gistir hjá þeim. Hún er í sambandi við margar vinkonur sínar hér og gaman að sjá hvað hún þekkir marga hérna.
Ég hitti félaga mína frá Háskólanum á morgun og Carsten og Elva ætla að búa til mat saman. það er nóg að gerast hjá okkur. Svo erum við að fara í grill hér og þar, hjá foreldrum Carstens og vinnufélögum Elvu á næstu dögum. Á morgun ætlum við að kíkja í City Syd á gamlar slóðir og svo var planið að fara í sund líka. Annars fór ég á tónleika í gær með Mads vini okkar hjónanna, það voru Norskir rokkhundar á sviðinu.
Krakkarnir spyrja mikið um Binna og hvar hann sé eiginlega 
Kveðjur í bili Bjarni & Co.
Ég er að vinna í Alcoa Fjarðaál. Ég er alveg rosalega hissa á kynbræðrum mínum og meðferð þeirra á klósettum. Það virðist vera að þeir ráði engan veginn við skottið á sér. Menn míga gjörsamlega útum allt og ganga hroðalega um klósettin. Það er nú þannig að ef maður þarf að gera tvistinn þá heldur maður frekar í sér því maður getur ekki hugsað sér að hlamma sér niður á þessar útmignu zetur og hefja download. Menn eru sóðar.
Annars vorum við að skila Dönunum okkar af okkur og það er frekar tómlegt án þeirra. Við brösuðum ýmislegt, fórum meðal annars norður. Skoðuðum Mývatn, hljóðakletta, Ásbyrgi og Akureyri svo eitthvað sé nefnt.
Ættarmót framundan á Borgarfirði hjá Hólsættinni þar verður sko gaman og ég skal skrifa eitthvað sniðugt þegar það er afstaðið.
Föstudagslagið að þessu sinni er frá mínum sokkabandsárum.
&rel=0&color1=0xd6d6d6&color2=0xf0f0f0&border=0">HÆHÆ við erum með danska vini okkar í heimsókn, þau komu á miðvikudaginn. Þetta er Carsten og dóttir hans Lerke. Carsten var að vinna með Elvu minni í Álaborg.
Skrifa meira seinna og set inn myndir.
Bjarni
HæHæ
jæja þessi vika var fljót að líða eins og allar hinar. Elva mín er komin í frí í skólanum sínum og náttúrulega börnin líka. Inga Lind er í unglingavinnunni og er í leiklistarhóp. Hún er voðalega ánægð með það. Þau eru að æfa allskonar leikrit og sýna á ýmsustu stöðum. Þær voru t.d. Playboy kanínur um daginn og fóru í Bónus að hrella fólk. Ívar Andri sést voðalega lítið hérna heima, hann stoppar nánast ekki. Hann er að byggja kofa með vinum sínum og hjólandi útum allar trissur. Það er alveg frábært að sjá til hans. Mér finnst líka gott hvað hann á góða vini og hvað þeir halda alltaf hópinn og ekkert vesen með það. Þetta er örítið flóknara hjá stúlkum og oft kemur til árekstra þegar fleiri eru saman. Ætli við kallarnir séum ekki svona einfaldir bara Ívar var svo í sveitinni hjá Raggý ömmu systir sinni. Hildur Vaka er aðeins meiri innitýpa, en er samt ótrúlega duglega að fara í sund enda orðin mjög brún. Hún var líka í sveit í gær hjá vinkonu sinni og fékk að fara á hestbak.
Mamma mín er með 6 kalla í fæði bæði hádeigi og kvöld. Þetta er flokkur manna sem er að klæða hús að utan á Borgarfirði. Þetta á nú við hana maður. Pabbi er hinsvegar ekki nógu ánægður með gæftaleysi og brælur; hefur lítið komist á sjó kall anginn.
Í dag er skógardagurinn mikli í Hallormsstaðaskógi. Ég er að hugsa um að skella mér í skógarhlaupið og taka smá þátt í þessu öllu saman.
Góðar stundir
Við vorum að koma af Bogganum. Við sýsluðum ýmislegt í frábæru veðri. Við fórum meðal annars að veiða hornsíli og það rifjaði upp gamlar og góðar minningar þegar ég var krakki á Borgarfirði. Við Ragnhildur systir vorum nefnilega oft að veiða hornsíli veð Þóreyju frænku í gamla daga og fengum oft hörku afla. Þetta er svo skemmtilega minning og notaleg. Vona að börnin mín minnist þess eins sterkt. Við reyndum líka að renna fyrir fisk við bryggjuna en það var náttúrulega ekkert að fá. Það er ekkert æti lengur við þessar bryggjur eins og var í gamla daga. Ég hitti svo skútumann sem var að koma að landi. Hann var Skoti og var að sigla um landið og skoða sig um.
Ekta góður sunnudagur
HÆHÆ kæru vinir. Töluvert er nú síðan síðasta færsla var skrifuð, og svo langt síðan að fólk er farið að hóta að taka tengla á vefinn okkar af sínum síðum
Æ það er nú svona lífið æðir áfram og manni finnst svo sem ekkert svakalega merkilegt gerast eða fréttnæmt. Hef nú ekki viljað blogga bara af skyldurækni.
Við erum að fara á Borgarfjörð til mömmu og pabba á eftir. Ragnhildur systir mín er hér með sín börn og förum við öll á Boggann í sæluna. Það er alltaf svakalega góðar móttökur hjá mömmu og pabba með mikla áherslu á mat og að gleðja fólk með mat.
Ég og mamma mín fórum á minningartónleika Helga M. Arngrímssonar í gærkvöldi. Það var alveg svakalega gaman og ótrúlega magnað að sjá hvað mikið er af hæfileikaríku fólki á þessum litla stað. Ég gisti svo hjá mömmu því tónleikumnum lauk ekki fyrr en kl. 1. Ég fór svo til Gulla og Írisar og við Gulli fórum að girða gervigrasvöllin hans. Ótrúlega flott hugmynd, Gulli keypti semsagt afganga af gervigrasi og setti á blettinn hjá sér, kemur alveg ótrúlega flott út.
Annars er þetta eitthvað ótrúlega tíðindalítið þessa dagana tíminn æðir áfram og maður er varla búinn að kyngja pizzunni á föstudegi þegar kominn er annar föstudagur.
Góðar stundir
Jæja loksins kemur smá færsla. Það er nú ekki þannig að ekkert gerist hjá oss heldur hefur áhuginn á skrifum eitthvað dvínað.
Við gömlu fórum á hammond hátíð á Kongó á föstudagskvöldið. Dóri Braga og Gummi Pé voru þar að spila á gítara. Ragga Gröndal að syngja alveg frábært kvöld. Ég dansaði alveg hroðalega, hoppaði um eins og eintrjáningur eða björn nískriðinn úr híði. Við gistum svo á hótel Framtíð. Frábær túr. Elva fór svo með sínum klúbb í óvissuferð. Massa helgi. Tveir vinir mínir hafa svo hringt í mig frá útlöndum; Ingþór og Rúnar frábært að eiga trausta vini.
Annars erum við gömlu að hreyfa okkur dáltið og förum út að hlaupa reglulega. Annars var sá gamli frekar slappur í gær og hnéð sagði upp og mótmælti þessu rugli. Ég þurfti því að labba heim og með sært stolt og hné. Ekki notalegt. Maður fer kannski að kíkja meira í laugarnar.
Núna er Júgravísjón að renna upp og svaka stemming fyrir þessari stóru drag keppni. Mig minnir að alltaf hafi orðið svona stemming í hvert skipti sem keppnin er og það er engin breyting í dag. Við förum til tengdó og grillum, ég er búinn að fylla svínalund með sólþurrkuðum tómötum og hvítlauk, og svo er ég líka með kjúklinga bringur í svaðalegri marineringu. Þetta verður svaka gúff.
Góðar stundir. Bjarni
Ég er aðeins kominn á skrið með vinnuna mína í Alcoa á Reyðarfirði. Verkefnið mitt snýst um að greina og hanna eftirlitskerfi með ýmsum búnaði svo sem serverum netbúnaði og iðnaðarvélum. Ég var svona að reyna að útskýra þetta allt saman fyrir fjölskyldunni minni og Ívar Andri minn var ekki lengi að setja þetta í samhengi sem allir skildu. Hann sagði að þetta væri svona vinna eins og Homer ynni. Anzi gott hjá honum
Föstudags lagið að þessu sinni er með Whitesnake magnaðri sveit og mikið hetju rokk, svona dæmigert bringuhára rokk.
Góðir hálsar. Ég kom heim 1 apríl. Frekar langt ferðalag, Gísli vinur okkar skutlaði mér útá flugvöl útúr 5 og ég var kominn á Kastrup fyrir 8 og hafði nægan tíma til að díla við fólkið um yfirvigt. það gekk ótrúlega vel og þurfti bara að borga aðeins í Köben og það var allt og sumt. Ég var svo kominn klukkan 19 heim í hérað. Það var náttúrulega alveg æðislegt og koma heim og hitt fjölskylduna sína eftir svo langan tíma. Konan mín magnaða var búin að henda baki af lambi í ofninn. Það bragðaðist sérlega vel.
Ég kíkti svo í álverið á fimmtudaginn og hitti gömlu félagana mína og kom mér aðeins inn í málin þar. Ég byrja svo á fullum krafti núna á þriðjudaginn. Ég hlakka bara mikið til og það verður gaman að glíma við þetta verkefni sem framundan er.
